Waxaa laga deyrinayaa xXaaladda ay ku sugan yihiin kumanaan dad ah oo ka qaxay dagaalladii dhawaan ciidamada dowladda KMG ah iyo kooxaha mucaaradka ku dhexmaray magaalada Muqdisho.

Dadkaasi barakacay oo ku sugan dulleedka magaalada Muqdisho, oo u badan haween iyo carruur ayaa ku sugan xaalad aad u liidata, oo xagga caafimaadka iyo noloshaba ah.

Dagaalladii maalmiihii u danbeeyay ka dhacay magaalada Muqdisho ayaa Qaramada Midoobay waxa ay sheegtay ka sokoow dadka ku dhintay ee boqolaalka ah, in ay ku barakaceen soddon kun oo qof oo rayid ah.

Hey’addaha gargaarka ayay adag tahay in kaalmo ay gaarsiiyaan dadka dhibaatadu heysato xaaladdaha ammaanka oo aan wanaagsaneyn.

Maxamed M. Dhoore
BBC Muqdisho