Magaalada Rome ee waddanka Talyaaniga ayaa maanta lagu soo gabagabeeyay shirkii 15aad ee kooxda xiriirka caalamiga ee Soomaaliya

Shirkan oo uu shir guddoominayay wakiilka gaarka ah ee Qaramada Midoobay u qaabilsan Soomaaliya, Axmed Walad Cabdalla ayaa waxaa uu socday muddo laba maalmood ah.

Shirka oo ay ka qeybgaleen waddamo ururro daneeya arrimaha Soomaaliya, ayaa waxyaabaha looga hadlay waxaa ka mid ahaa xaaladda ammaanka Soomaaliya iyo dhibaatada burcad badeedda.

Gabagabadii shirka ayaa war murtiyeed laga soosaaray waxaa lagu cambaareeyay kooxaha mucaaradka ee la dagaallamaya dowladda, iyadoo lagu sheegay in kooxdu taageersan tahay in xalka nabadda Soomaaliya lagu gaaro wada hadal.

Source: BBC